Diaranson anochi alrededor di 9:45 pm polis a duna un auto señal pa para riba L. G. Smith Boulevard. Ta despues cu e chauffeur di un Mitsubishi color blauw a comete un infraccion den trafico, e polis a mir’e y a dun’e señal pa para.
E chauffeur no a respeta y a core bay te den Primavera. A draai varios ronchi den Primavera pa djey e chauffeur perde control, dal y basha un cura di cas abou.
Ta net tegenover di Jay’s Car Rental. A haci un test di alcohol cu e chauffeur pero e no tabata bou influencia. Polis di trafico a documenta e accidente, compara cu otro caso, a opta pa toch no detene e chauffeur. Tur e documentonan di e auto tabata na ordo.