Durante surveillance den area di Paradera, patruya a tuma nota di un maniobra straño di un chauffeur y cu no a sigui regla di trafico manera mester ta. Mesora a dune señal pa para y asina controla si tur cos ta na ordo.
Esaki a tuma luga den careda di 2:30 pm na altura di rotonde di Jaburibari. A pidi pa cuminsa un rijbewijs valido cu e no por a presenta na e agente. Mirando cu e no tin rijbewijs a pidi un identificacion valido cu tampoco e no por a presenta. Mirando cu ta trata di un persona cu no ta local (di habla spaño) a pasa over na detencion.
A pidi transporte policial pa asina atende cu e caso aki na warda di polis, caminda lo saca afo su status si acaso e ta legal riba nos isla y si no ta asina lo cuminsa cu tramitacion di deportacion.
