Desde algun luna ta scuchando e topico di kaakchirurg di cual director di Algemene Ziektekosten Verzekering (AZV) a indica di a pidi hospital p’un business case. Den henter e asunto aki nomber di parlamentario di MEP, dokter Arthur Vallejo, p’e posicion di kaakchirurg. Durante conferencia di prensa minister di turismo y salubridad, Dangui Oduber, a duna mas informacion riba esaki.
AZV a informa ultimo cu no tin espacio pa un kaakchirurg. E mandatario a bisa di a surgi un situacion algun tempo atras caminda tabatin un preso cu mester a haci operacion di su kaak. Aruba tin un kaakchirurg na su disponibilidad y esey ta Arthur Vallejo. Na momento cu e discusion ey a surgi, hospital kier a manda e preso Hulanda y esaki tabata hopi costoso p’e seguro medico.
Aruba tin un ciruhano reconoci p’e programa di Arubig, pasobra el a studia na un universidad acredita p’e organo di acreditacion di Colombia. E universidad aki ta un nivel halto na Colombia.
Door di esey a opta pa no manda e pashent Hulanda y a haci e operacion na Instituto Medico San Nicolas (ImSan) di cual dokter Vallejo hunto cu otro dokter a percura p’e operacion aki, cu tabata sumamente exitoso segun e mandatario.
Oduber a sigui indica di mira cu AZV a bisa di no tin un business plan. Pero e mandatario ta kere cu lo tin espacio specialmente si mira turismo medico den region. Pasobra e otro islanan tampoco no tin un kaakchirurg den nan disponibilidad. P’esey ta mira cu tin espacio pa un kaakchirurg funciona na Aruba y explora e posibilidadnan di turismo medico entre e islanan cu ta Corsou, Boneiro y St. Maarten. E mandatario a compronde cu tin un business case haci pa ImSan mes pa mira si esaki berdad lo duna e beneficionan no solamente pa aseguradonan di Aruba, pero pa turismo medico cu ta explorando conforme vision dje gobierno.
Pa mas lesa TREMPAN.COM.
