Un rato pasa a laga den libertad e sospechoso di estafa cu permiso di DIMAS (valsheid in geschrifte y oplichting) Radi Khan. Desde 7 di april e tabata deteni, unda tabata tumando luga un investigacion.
Dos luna pasa, esta 7 di april, recherche a presenta den ora di mainta na Parceros Trámites y Consultoría pa asina detene Radi Khan, kende tin un negoshi di regla permiso di estadia y trabou pa stranhero. Algun di nan a bay keha Khan pa estafa, indicando cu a tuma placa sin regla nada pa nan.
Radi Khan di 48 aña ta conoci pa su rol como coordinador di ex-minister Benny Sevinger, tempo e tabata encarga cu maneho di stranheria. Dia 22 di april hues-comisario a prolonga Khan su detencion y a mand’e KIA riba peticion di fiscal. Tabata sospecha cu el a tuma placa di stranhero, di cual el a priminti di regla tur papel na Departamento di Labor y DIMAS pero no a cumpli.
