Un musico cu tabata bahando for di San Nicolas a capta atencion di otro chauffeur atento riba caya. E musico tabata coriendo basta bebi riba caya y su coremento tabata causa peliger pa trafico. A bati alarma mesora.
Polisnan banda di 2or a bay direccion caminda di Green Corridor banda di Pos Chikito. A bay purba topa cu e auto SUV Volkswagen. E auto na rotonde Pos Chikito a lora bay direccion Sabana Basora. E chauffeur a para y ocupantenan a baha orina. Djey nan a sigui direccion Rooi Frances pero e patruyanan di Polis riba caya a para e SUV preto na Sabana Basora mes. Polis a atende cu e chauffeur y a manda pidi machine pa supla y e transporte policial. E test e chauffeur y e tabata bebi.
Polis no a detene pero a dune un prohibicion pa sigui stuur. Den e auto un otro amigo tabata pata pata sinta. Polis a bisa e chauffeur musico cu e mester busca hende na tino pa e sigui cu su auto. E dune prohibicion di ocho ora pa maneha auto. Na dado momento el a haya un oferta di Polis cu e no por a nenga. Polis a dicidi cu ta hiba ambos ocupante cas. E musico y su amigo a haya un lift den e transporte policial pa cas na Jaburibari. E auto tambe a bay y maneha pa Polis. A evita di laga e auto atras pasobra e musico tabata tin instrumento y speaker den e auto y e tin su balor. E hefe cu a presenta na e sitio a bisa e musico tambe cu e biaha aki e proceso ta bay asina. Un siguiente biaha nan lo detene.
