DVG ta informa cu awe 154 persona a recupera, pero a registra un total di 118 caso nobo di COVID-19 cual nuebe ta turista y 109 ta residente. E cifranan aki ta representa un ‘Positivity rate’ bou di nos residentenan di 27%.
Cantidad di caso activo di COVID-19 pa awe ta 1055 y cantidad di fayecidonan relaciona cu COVID-19 ta 124. Ayera a raporta un turista cu a fayece, pero esaki a wordo coregi pa motibo cu tawata trata di un persona local.
Dato di COVID ta ilustra subida di casonan nobo cu un averahe semanal di 99 caso pa dia y un averahe di ‘positivity rate’ semanal di 26% pa dia.
Tin actualmente 83 persona interna cu COVID di cual 9 ta den ICU na Aruba, 14 den ICU na Colombia, 56 riba piso general na Aruba, 2 riba piso di maternidad na Aruba y 1 mucha riba pediatria.
