Polisnan a haya nan mes ta bay cu un menor di edad cu tabata su so riba caya y no ta corda su adres. Probablemente door di susto.
Tabata diadomingo rond di 10.30 di anochi cu Polis di San Nicolas a bay na Juwanamorto. Tabatin un mucha riba caminda bou di yoramento. Un hoben cu tabata core bicicleta den bisindario a topa cu ne den scuridad na yoramento.
Papiando cu e mucha a bin saca afo cu e tin ocho aña. Sinembargo e no por a corda su adres ni bisa si e tin famia ta biba eybanda. Probablemente den su susto, e no por a corda nada di esey.
E patruya a dicidi pa hiba e menor cu nan warda di polis y lague papia cu un trahado social cu lo tuma e caso.
