IPKO lo tuma luga fin di e luna aki. Segun Presidente di Parlamento mr. Edgard Vrolijk a splica cu e echo aki ta hopi importante, unda cu parlamento di e paisnan den Caribe Hulandes y Hulanda lo reuni na Madre Patria.
El a splica cu ta cuminsa dia 26 di september cu e tripartiet y dia 27 pa dia 30 di september lo ta IPKO mes.
E punto importante ta rol di Parlamento y tambe sigur con lo bay den futuro, andando cu statuut, entre articulo 36, 38 y 42 cu mester di revision. Esey ta varios punto fuerte di parlamento di Aruba mes. Vrolijk mes lo bay tin varios encuentro, cu entre otro Raad van State. Tambe e ta warda otro instancia pa por bay reuni. Hopi biaha no ta solamente pa atende cu IPKO, pero tambe pa papia cu e otro instancianan importante cu ta stakeholder di importancia pa loke ta bon gobernacion di Aruba tambe.
Den e caso aki Vrolijk aki a opta pa bay su so, ya cu tin varios parlamentario lo bay mas laat. E mes ta bay mas trempan y ta probecha pa efectua e bishitanan aki. Fuera di esey, Vrolijk a menciona cu e lo bay tin varios otro encuentro informal cu e lo haci.
