Pasa di 1:30 di madruga di aña nobo, patruya di Playa a ser dirigi cu urgencia riba e caminda banda di SIMAR na Sabana Blanco. Eynan un homber cu un brommer a accidenta y ta herida. E patruya na yegada a topa cu un brommer color blanco y e manehador benta abou riba caminda. Mesora a pidi presencia di ambulance na e sitio pasobra e motociclista tabata sangra basta na su cabez. Segun habitantenan eybanda, e motocilsita a sali cu e brommer y den e birada pabou di SIMAR el a slip y cay herida su mes. Paramediconan di ambulance a atende cune na e sitio y djey a mira cu ta necesario pa bay cune Hospital. Eynan dokter lo atende cune pa e sla fuerte y habri na su cabez.
