WEB a elimina e sistema bieu di boiler, ekipo bieu y a bay over na ekipo nobo. Desde a bay riba e sistema nobo aki, esa ta wärtsila. Aruba a conoce blackout, di cual esaki a bira di cinco pa aña.
E tecniconan di WEB a presenta pa asina cuminsa traha riba e problema. Asja Dongen, vocero di WEB, a informa cu nan mes a perde completamente coriente y esey a pone cu Aruba a bay den blackout.
Den careda di 9:00 pm WEB a haya coriente bek. Dongen a informa cu den un ora nan ta logra soluciona e problema y asina Elmar por suministra e coriente bek.
WEB a elimina e sistema di boiler y awo ta 100% riba e motornan di RECIP. Kico tabata e motibo dje blackout aki, Dongen no por a duna un informacion.
E blackout anterior cu a tuma luga, tabata pa motibo dje RECIP. Dongen a confirma esey. El a indica cu tabata den e parti di transicion, di cual ta bay di sistema bieu pa uno nobo y cos asina por pasa.