Gislaine Semerel, docente di Spaño, a splica cu tur aña nan ta celebra nan eleccion di reina. Asina duna e muchanan e oportunidad pa expresa nan creatividad y fantasia den carnaval.
Tabata tin un total di 9 participante e aña aki. E eleccion tabata hopi grandi y e tema tabata Cultura di Aruba.
Fuera di e eleccion di reina, e docente a splica cu den e temporada di carnaval, nos hobennan ta wordo exponi na diferente cos. Manera tur aña den e temporada aki ta organisa un carousel, caminda cu diferente instancia manera Wit Gele Kruis, Douane, Cuerpo Policial, Famia Planea, Telefon pa Hubentud ta bin cu un campaña pa concientisa e hobennan, con nan tin cu deal cu e temporada aki y pa nan haci un escogencia corecto.
Nan tema e aña aki tabata Escogencia ta mi Decision. Ta importante pa nan tuma e decision corecto. Ta sigur cu e informacion cu nan a haya nan lo aplica esaki den temporada di Carnaval.
Juffrouw Semerel a splica cu awo cu ta kedando dos siman pa carnaval, ban disfruta carnaval naun manera responsabel, sano, ban cuida nos muchanan chikito. Uza airplugs, sunblock. Ban mustra mundo henter cu Aruba sa con pa celebra carnaval na un manera sano.
