ABBA a tene su prome conferencia di prensa pa e aña aki. Karel Williams, presidente di e Asociacion a comenta cu a scoge e directiva na Juli aña pasa. Despues nan a haya cu nan mester a set up tres campeonato, esta di hubenil. Mester a setup di A klas y tambe esun di AA.
Tambe tabata tin campeonato di menor cu a wordo maneha pa Gregory Chirino. Hunto cu e grupo di Umpirenan, tabata tin pa siman casi 20 pa 30 wega, como 7 pa 8 veld cu mester a uza.
Ta hopi cos nan mester a haci pura y en realidad, sin mucho finansas p’e, cu placanan cu nan tabata tin di subsidie commissie, a sigui haci nan actividadnan.
Aña pasa, nan tabata tin nan campeonato hubenil, cu a caba aña pasa. E campeonato di A klas, a caba aña pasa y e campeonato di menor, falta ainda un categoria, cual ta 13-14.
Tin plan pa cuminsa cu e campeonato AA pa otro luna.
Williams a menciona cu lo bay cuminsa cu baseball AA bek, cu e weganan di promotie y degradatie, cual ta entre Marlins y Rotary Sluggers. Nan a sali di ultimo den AA y Marlins a sali prome den A klas. Lo bay cuminsa hunga un best of 3 y esun cu gana ta keda den AA.
Aña pasa e campeonato di AA a tranca un tiki pa motibo cu na final, den porta di play off tabata tin protesta. El a tuma un tiki largo.
E protestanan a wordo ricibi pa e beroepscommissie y awor aki tin e protestanan cu a wordo trata.
Tin e decision di beroepscommissie. Awo tin e cuater ekiponan definitivo cu lo caba cu e campeonato 2018 y lo bay cuminsa na April cu campeonato 2019.
Aña pasa tambe a bay cu seleccion nacional di AA pa Republica Dominicana, den e prome Copa di Caribe. Eynan Aruba a sali di cuater, dentro di seis team. E prestacion por tabata un tiki mas miho, pero na ultimo momento tabata tin basta hungado cu no por a bay cu e seleccion pa motibonan cu no tabata sigur si e seleccion tabata bay. Pa haya liber di trabao tabata tiki problema.
Fuera di esey tabata tin algun reunion cu e presidente di Copave. Tambe tabata tin reunion na Republica Dominicana cu presidente di Cocave. Tambe a trece na Aruba un team di Universidad di Iowa. A hunga dos wega contra seleccion y un wega contra di Red Machine Reforsa. Aruba a perde dos wega y a gana un wega.
Mirando cu e temporada di aña pasa tabata hopi cortico, e aña aki tin plannan cu e 12 lunanan dilanti, kico lo bay bira e proyectonan cu tin pensa di haci, kico lo kier bay haci pa e desaroyo, e clinicanan y campamentonan cu kier duna, segun Williams.
