Banco Central di Aruba (BCA) ta informa cu e moneda conmemorativo di plata di 5 Florin “100th Anniversary Aruba Aviation” (edicion special) ta obtenibel desde 21 di augustus 2023 na BCA.
Dia 18 di augustus 2023, nos a conmemora cu 100 aña pasa pa prome biaha dos avion modelo US Navy Curtiss H-16 a aterisa den e waf di Paardenbaai na Oranjestad, Aruba. Ya diesun aña despues, a cuminsa cu e vuelonan comercial na Aruba: un bes pa siman, por a transporta seis pasahero entre Aruba y Curaçao.
E prome edificio cu a fungi como aeropuerto ta data desde 1942. Durante añanan, e aeropuerto di Aruba a sigui crece, a bira mas moderno y ta opera di acuerdo cu e standardnan internacional. Awendia, pasaheronan por biaha for di Aeropuerto Internacional Reina Beatrix pa mas di trinta destinacion den mas di dies pais.
Specificacion:
Metal: Plata (925/1000)
Diameter: 38 mm
Peso: 25 gram
Calidad: Proof
Denominacion: 5 Florin
Caha: Edicion special
Prijs: Afl. 215,00
Pa mas informacion por tuma contacto cu Departamento Cash Operations & Logistics di BCA na telefon 525-2139.
Pa compra: Caha di BCA na J.E. Irausquin Boulevard 8, mainta entre 8:30 y 11:45 y merdia entre 1:15 y 3:30.
