Hopi a tende di gobernacion cu lo soluciona e problema di DUMP na Parkietenbos. E minister cu tanto a campaña tambe a engaña y awe mester a bandona gobernacion lagando un ruina financiero den Serlimar. Diahuebs anochi un biaha mas a constata for di dos diferente angulo cu e candela riba DUMP ta presente y habitantenan den cierto forma ta sigui ta victima.
Mester tene cuenta cu bombeornan no ta bay sali pa e candela aki. Importante pa investiga con e candelanan aki ta inicia te cu e ta bira un situacion fastioso pa habitantenan. Mientras cu tur e cosnan aki ta tuma lugar y no tin solucion pa DUMP, habitantenan ta cuminsa tuma pasonan legal. Un di e habitantenan ta presente den corte diabierna mainta 8:30 pa asina mustra hues ki tur e ta pasando aden.
Ta intencion pa hues tuma un decision pa e molester cu e habitantenan. Gobierno di Aruba na su turno a bay te Curacao pa busca un abogado pa defendenan na Aruba. Ta masha interesante pa mira con e caso aki lo bay desaroya y mas importante e decision cu hues lo bay tuma.
