Awenochi lo tuma lugar e di 72 edicion di Miss Universo na El Salvador. Mey mey di e 84 candidata ta figura Kim Rossen kenda ta representa Corsou.
Un dia promer cu e anochi final ,24ora.com a entrevista Kim y Kim a conta cu e parti di mas bunita di e experencia aki ta pa por representa Corsou. E ta sintie privilegia pa por representa su hendenan. Kim su meta tempo e tabata mas hoben tabata pa por representa Corsou den weganan olimpico. Debi na un lesion esaki no a concretisa.
Sinembargo tur su esfuerso cu deporte a siñe loke ta disciplina y sacrificio cual awe e por usa den su participacion den Miss Universo 2023.
Manera e mes ta yame ‘ El Olympico de la Beyesa’. Awe diasabra Kim lo tin su ultimo ensayo y lo pone su mente den un estado positivo. E lo visualisa cu tur cos lo bay bon pa asina e por subi stage completamente trankil.
E cobertura di Miss Universe for di San Salvador ta wordo presenta exclusivamente pa Dufry Duty Free cu un tremendo specials na su tienda den Caya Principal riba perfume y su RED App unda bo por spar y usa punto. Tambe SETAR NV : Data y yamada den un solo plan, Hybrid cuminsando for di Afl.55 cu 15GB di Data!
