Diamars Corte di Apelacion a dicta sentencia den caso Ibis, caminda e sospechoso principal tabata ex-minister, drs. Paul Croes.
Tres hues a revisa e caso y a haya Croes culpabel di e caso. Fiscal mr. Patrick v/d Biezen a duna declaracion riba e caso, unda cu el a indica cu hof a haya Croes culpabel di tur seis acusacion. Den Corte di Prome Instancia, el a haya un vrijspraak pa un di e acusacionnan, pero Corte di Apelacion a dune un castigo integral. Es decir a haye culpabel di tur seis acusacion,
Su castigo a baha poco, el a haya tres aña di prizon. Tambe Hof a bay di acuerdo cu peticion di Ministerio Publico cu Croes no por postula su mes pa un lista di candidato, es decir passiefrecht, pa ocho aña. Tampoco e no mag ehecuta un funcion. Pa loke ta trata su casa, Melony Croes-Paesch, Corte di Apelacion a yega na un sentencia, el a haya vrijspraak pa loke ta labament’i placa y pa e otro hecho, di tabata tin un ilegal den servicio, hof a hay’e culpabel, unda cu a dune un sentencia di 120 ora di trabou pa comunidad, di cual 60 dia den prizon si e no cumpli cu e castigo aki.
Pa loke ta e otro cuater personanan envolvi den e caso aki, mr. V/d Biezen a informa cu Rudmila Martinus a haya vrijspraak di tur acusacion, como tambe Jairo Wever, di PMEC. Pa loke ta di Vecchia y Nuñez a haya sentencia door di Corte di Apelacion. Vecchia a haya dos siman di prizon di dos siman, c’un tempo di prueba di tres aña. Pa loke ta Nuñez, a bin acerca un castigo di trabou pa comunidad di 150 ora.
T’asina cu Ministerio Publico y e sospechosonan tin derecho di bay Casacion, cual ta Corte mas halto den Reino Hulandes. Pero ainda OM mester bay studia e sentencianan aki, ya cu nan a haya en corto algun informacion for di Corte di Apelacion.
Pa loke ta e sentencia, mr. Patrick v/de Biezen a bisa cu no ta nada ‘onredelijk’, pa loke cu nan a scucha awo. Loke a hala mas atencion ta e hecho cu Croes a keda den libertad. Ministerio Publico a pidi pa ‘opschorsing’ di su libertad, cual hof a nenga.
Ministerio Publico lo mester bay studia e sentencia den profundamente pa nan tuma un decision pa wak si nan lo apela e sentencia aki. Tabata palabra nan di mr. Patrick v/d Biezen, fiscal na Ministerio Publico.
