Dia 17 y 18 di october ultimo, a tene un forum nacional pa Adulto Mayor. Minister Ursell Arends a ricibi un carta di Raad van Toezicht di SABA pa sinta bek na mesa, mirando cu e tema tabata rechttrekking. Aworaki, den e presupuesto supletorio, manera cu a anuncia, lo a bay inverti den capital humano, e mandatario a indica durante un conferencia di prensa dialuna.
Desde 2008, tin un debe cu e trahadonan di SABA pa loke ta rechttrekking. A aloca 3.3 miyon pa por paga esaki y unabes cu e presupuesto supletorio of nota di fin di aña ta aproba den parlamento, e fondonan aki lo ta disponibel y por paga esakinan.
Probablemente fin di siman aki, e minister lo ta na mesa cu Raad van Toezicht di SABA pa delinea con ta bay bira e relacion nobo entre gobierno di Aruba y SABA. Esey ta loke ta enfocando riba dje. E minister ta spera cu por yega na mesa pa bin na solucion concreto.
Pa loke ta e aspecto di 27 miyon, segun Minister Arends, no por yega tira un suma riba mesa sin ningun plan pa sostene esaki. Mester bin cu un plan cu ta structura pakico mester di 27 miyon florin.
Eynan ta cambio cu ta tumando luga, combersacion cu ta tumando luga pa mira kico t’e cantidad di cama cu ta brinda servicio na dje, cuanto adulto mayor y kico t’e fondonan necesario pa brinda esaki. Riba e trayectorio aki nan ta aworaki. Ta spera cu dentro di poco esaki por finalisa pa duna perspectiva y claridad na gobierno di Aruba, SABA y tambe e adultonan mayor cu mester di e cuido aki.
Pa mas detaye lesa TREMPAN.
