MEP ta cuestiona minister Rudy Lampe, di no a busca manera, den e caso aki, nombra un hende, cu transparencia necesario pa encabeza DPS. A nombra un hende, y kisas e poder di e minister tey pa haci’e. Nan ta papia di falta di transparencia. Segun minister Rudy Lampe, den e caso aki, e no ta mira unda e falta di transparencia ta. E momento cu el a hay’e confronta cu un director Withney Kock ta bisa, e kier acepta un reto nobo, si e bay cuminsa un proceso di open solicitatie, e ta dura. E ta un periodo mas largo y pesey a scoge e ora ey pa e periodo di transicion aki, pone un hende cu sa kico ta independisacion di enseñansa publico, pa asina ey e haci e trabao temporalmente y cu ta lo mas posibel budget neutraal. Por a bay contrata hende tambe di afo. Cu ta cobra un salario halto. No kier a haci esey, pasobra kier ta mas respetuoso posibel cu placa di pueblo. No ta bay duna un contract di 15 mil florin na un persona pa haci e trabao ey. Si e tin su salario caba como docente, pa e momento e no ta wordo reemplasa na IPA y e salario ta wordo paga caba y tin e cualidadnan pa por haci e trabao ey, ta hopi mas respetuoso cu placa di pueblo y e procedura cu ta bay bin pa open solicitatie, esey si ta bay ta publico. Esey si tur hende, fraccion di MEP tambe, lo haya e informacion necesario con ta bay start e procedura aki pa e open solicitatie pa yega finalmente na un director of directora di DPS, e mandatario Rudy Lampe a termina bisando.
