Pa algun tempo caba tin varios preocupacion den Cuerpo Especial Arubano (CEA).
Un di e preocupacionnan aki tabata tocante ‘hechtenis’ y ki rol nan por hunga den henter e asunto aki. Riba esaki, durante un conferencia di prensa, Minister di Husticia, Rocco Tjon a indica cu nan ta trahando riba e formatie rapport di e trahadonan. Lo tene un reunion cu DRH pa por rond af e formatie rapport, pa di e forma ey, formalisa nan rapport nobo, pa un carera mas largo.
E puntonan aki tambe, pa loke ta trata nan trabounan na KIA, na e diferente edificionan unda cu nan tin un rol importante pa garantisa siguridad, pero tambe n’e wardanan di polis, lo traha riba esaki.
E mandatario a sigui bisa cu un desaroyo hopi interesante den cuadro di ful e trabou aki ta e proyecto di ex-Codemsa. Den e siguiente lunanan e proyecto lo cuminsa y e ta den man di APFA.
Pero den e proyecto aki tin un compleho di cel unda cu lo centralisa esaki cu lo facilita y agilisa henter e proceso.
