Si trahadonan di companianan estatal no a keda mucho contento cu e veredicto di Corte riba e tema di reduccion salarial cu 12.6%, minister presidente di Aruba mr. Evelyn Wever Croes si ta contento cu e decision. “Nos a haya rason,” el a bisa den un conferencia di prensa di gobierno.
Diaranson Corte a anuncia e veredicto di e caso entabla door di sindicatonan SIWA y VNI di WEB contra e forma unilateral di gerencia pa kita e 12.6% di salario di empleadonan sin avisanan adelanta y sin consulta cu nan.
E veredicto di Corte, e mandatario a bisa, ta confirma cu e apelacion cu a haci na companianan estatal y nan empleadonan pa mustra nan solidaridad tabata legal. “Esaki ta trece un poco mas di trankilidad.”
Loading…
Reload document
Open in new tab E mandatario a probecha pa haci un apelacion na otro instancia- y trahadonan cu no ta haci un aporte ainda, pa corda cu e ta un aporte importante. E evaluacion di hues tabata hopi cla, cu e compania su trahadonan no cay directamente bou di gobierno, pero WEB ta un compania di cual gobierno ta e unico doño, pa cual nan tambe mustra e parti di solidarismo. “Nos ta hopi satisfecho cu esaki.”
Tambe el a splica cu awo ta haci un evaluacion con ta bay sigui. Depende di e disponibilidad di trahadonan na final di cuenta no ta trece e trankilidad cu mester den comunidad.
