Aruba a celebra International Women’s Day den gran forma, reconociendo e esfuerso y contribucion di e empresarionan hende muhe. Minister di Asuntonan Economico, Comunicacion y Desaroyo Sostenibel, mr. Geoffrey Wever, a atende e “ribbon-cutting ceremony” pa e apertura oficial un oficina di Real Estate cu ta pertenece completamente n’e partnernan hende muhe. Esaki ta significante pa Aruba, ya cu ta promove igualdad di genero y empoderamento di hende muhe den mundo di negoshi. E Real Estate aki ta creando inspiracion pa otro hende muhe cu ta desea di logra exito empresarial.
E negoshi aki ta un ehempel excepcional di hende muhe cu ta tuma carga di nan carera y ta inverti den nan mes. E determinacion y curashi di e propietarionan di e empresa ta un bon prome paso pa duna bon resultado. E apertura aki ta demostra tambe cu muhe por prospera den campo di trabou cu ta convencionalmente domina pa hende homber, loke por ser considera un triunfo pa igualdad di genero.
“Aruba ta un pais cu ta balora y promove derecho di hende muhe y igualdad di genero”, segun minister Wever. Esaki ta demostra cu hende muhe por logra loke nan ta desea, y ser empresario ta un ehempel di esaki. Riba Dia Internacional di Hende Muhe, Aruba ta festeha e exitonan actual di nos empresarionan muhe, y ta anhela pa mas ser inspira pa sigui e pasonan manera e oficina di real estate.
