Tin mucho mas cos pa haci di loke cu Geoffrey Wever a pensa despues cu el a drenta den gobierno. E ta comenta cu sigur e tin hopi reto. Loke e por a constata despues di casi 100 dia den gobernacion, tin asina hopi oportunidad.
Tin asina hopi apetit di inversion. tin asina hopi posibilidad pa Aruba, segun e minister.
Cada rato tin posibilidad nobo cu ta bin ariba. Aworaki mes cu e acuerdo di gobernacion Hulandes, a habri full un posibilidad pa Aruba haya acceso na fondo financiero pa proyecto sostenibel. Tabata algo cu tabata bezig cu ne caba, esta un fondo di desaroyo sostenibel. Caminda cu ta bin cu ‘green bonds’ cu ta financia proyecto duradero. Tambe e concepto di ‘blue bonds’ cu ta mas dirigi riba tecnologia marino.
Aworaki cu e tipo di desaroyo aki cu ta internacional, ta habri otro posibilidad pa Aruba. Trabao tin hopi y tin hopi oportunidad tambe. Minister Wever ta keda positivo riba esaki. Casi 100 dia den e funcion, a confirma esaki.
E minister a haya algun departamento den su cartera cu ta hopi proactivo y ta disponibel pa traha, cu tin idea riba nan mes,. manera pone Aruba riba mercado internacional entre otro. Tambe pa mercadea Aruba como un hurisdiccion di inversion.
Tin trabao haci caba pa eyfo tambe (comercio internacional) tin oportunidad pa inverti den Aruba. Por mira cu e departamentonan, den e caso aki Departamento di Asunto Economico, hopi proactivo y cu hopi idea caba. Receptivo tambe pa idea nobo y dispuesto pa traha cu gobierno pa realisa e ideanan nobo.
Segun e mandatario, e experiencia awor aki ta uno hopi mas positivo. Por a ripara cu tin un apetit hopi grandi cerca e aparato gubernamental, pa contribui, yuda y pa ta parti di e desaroyo aki.
Pa un cobertura mas amplio lesa e edicion di awe di TREMPAN.
