Minister di Asuntonan Economico tabata presente den parlamento pa asina trata e ley di Handelsregiter, esta ley di registracion Ultimate Beneficial Owners (UBO). Esaki ta hende cu na final di dia ta doño di compania y structura, cu ta riba recomendacion internacional di Financial Action Tax Force (FATF).
mr. Geoffrey Wever, minister di Asunto Economico, a sigui indica cu FATF a recomenda cu Aruba mester ta compliant internacionalmente. Aruba ta parti di e framework internacional ey, como pais ta opera den mundo internacional, tin relacion internacional y kier ta parti de comunidad financiero internacional, p’esey ta percura cu Aruba ta compliant. Y asina ey transaccion internacional ta garantisa. Pero stabilidad financiero tambe ta garantisa. Esey a pone cu a haci dos cambio, cual un ta e Handelsregister y e otro ta e ley di preveni labamento di placa y financiamento di terorismo.
Tabatin cu haci dos cambio tecnico den ley p’asina por registra e UBO’s di structura dje companianan. Asina ey por haci compliance mas efectivo y conforme normanan internacional di FATF. E mandatario ta haya cu e reunion a bay hopi bon y cu tabatin dialogo bon. Diferente parlamentario di e fraccionnan a haci pregunta valido.
Pa cobertura mas amplio lesa TREMPAN.COM.
