Minister di Turismo, Danguillaume Oduber a hiba palabra durante e encuentro pa Dia Mundial di Turismo cu Aruba Tourism a combina cu e evento di Aruba Meets Europe (AME) y tambe E Cruise Symposium Aruba 2022. Fuera di ta hopi satisfecho pa e nivel di recuperacion cu ta proyecta di surpasa e cifranan di 2019, tambe a menciona cu ATA ta keda vigilante di factornan mundial cu por tin un influencia. Loke si ta keda constante ta cu e ser humano ta e recurso principal di e exito di nos turismo.
“Nos tabatin e conviccion, e confianza y e determinacion di tuma riesgo calcula den pandemia. Na januari 2022, ora cu aña a habri nos, tabatin na Aruba 5 mil caso activo di variante Omicron. Nos a dicidi di anuncia un exit strategy pa finalmente sali di e pandemia y mi ta convenci cu e strategia, vision y maneho di recuperacion, conhuntamente cu nos partners, a duna e resultado cu awe nos por bisa cu Aruba su recuperacion ta un di esunnan mas exitoso di henter mundo”, asina Minister Oduber a expresa.
Como reto, e ta wak inflacion na nivel mundial, ademas di e guera cu ta continua entre Rusia y Ucrania cu ta influencia e biahero, e prijs di ticket cu turista ta paga pa bin Aruba.
Pa e relato completo, lesa TREMPAN
