Dialuna atardi e Minister di Enseñansa di Hulanda, dr. Robbert Dijkgraaf a yega Aruba c’un delegacion carga di scolnan di Hulanda pa un bishita di cortesia. E biahe ta pa enfoca riba conoce e instancianan di educacion na Aruba.
Pa diamars mainta e ta bishita Gobernador di Aruba y djey lo sigui cu su bishita rond di nos isla, caminda e lo topa tambe cu minister di enseñansa di Aruba.
Idea ta pa mira con por traha hunto cu Aruba p’asina fortifica e lasonan y crea relacionnan nobo pa cu enseñansa secundario y avansa entre Aruba y Hulanda.
El a bin compaña di diferente scolnan di nivel MBO, HBO, Universidad y hasta instancianan di estudio.
E no ta keda hopi na Aruba, apenas dos dia riba nos isla sigui pa dos dia na Corsou. Despues di esey e ta regresa tera friu.
