Loke a nota tambe den e ultimo dianan aki cu tin un panico pa test na Aruba cu literalmente tur hende kier bay haci un test pa mira si nan ta positivo of negativo. Maneho di gobierno semper tabata dirigi riba persona cu tin sintoma. ora cu un dokter di cas verwijs e pashent y bis’e bay test pasobra e tin e sintomanan cu ta indica cu por ta positivo pa COVID, segun minister Dangui Oduber den un rueda di prensa diaranson.
E ora a recomenda tur hende pa bay test. Esaki ta nifica cu tur hende cu no tin sintoma not a recomenda bay test. Si ta cuminsa sinti e sintomanan, isola bo mes. Si bo ta sinti e necesidad cu e sintomanan a bira mas, e ora ta recomenda pa bay test.
E intencion no ta pa henter Aruba bay test. Test ta bon, pero no ta e intencion pa tur hende bay haci e test aki. Test solamente si tin sintoma. Ta keda recomenda esaki pa sigui e maneho cu gobierno a introduci fo’i comienso pa test solamente si tin sintoma.
Si no tin sintoma no tin motibo pa para den rij y test.
Diamars tabatin por lo menos 1600 hende cu a bay haci nan test. Obviamente esaki ta bay tin un resultado diaranson cu a ricibi un gran cantidad di test positivo, cu probablemente ta bay surpasa mas di 2000 caso activo. P’esey ta keda recomenda solamente pa test si tin sintoma.
Pa un cobertura mas amplio lesa e edicion di TREMPAN di mañan.
