Minister Dangui Oduber a tuma nota di e preocupacion cerca taxistanan cu e publicacion di jetBlue. Obviamente e noticia aki ta nobo pami, asina minister Dangui Oduber a laga sa. Nos ministerio NO tabata na altura di e promocion aki y di ningun decision di jetBlue pa haci esaki. Logicamente nos mes hendenan y transporte publico local y especialmente nos taxistanan mester haya preferencia den transporte di turistanan di aiport pa hotel.
Pa awor no por duna mas informacion pasobra no ta algo cu gobierno a wordo poni na altura di dje. Ta un promocion cu jetblue a post riba social media y sigur esaki a trece tension y preocupacion bao di nos taxistanan. Nos sigur lo busca informacion di esaki cerca compania jetBlue.
