Diaranson atardi Minister di Salubridad Pulico Sr. Dangui Oduber tabata presente na Club Don Bosco na Noord pa duna inicio na e programa di ehecucion di vacunacion. Manera ya ta conoci diamars Aruba a ricibi 11700 vacuna di Pfizer for di Hulanda. E meta di Gobierno ta pa vacuna 85% di e poblacion prome cu e temporada di horcan cuminsa.
Riba e prome dia a duna vacuna na 10 personahenan di Aruba, sea cu nan ta pertenece na e grupo di risico of cu ta duna cuido, cu a ricibi e vacuna riba e prome dia.
Minister Oduber a declara den e conferencia di prensa cu riba diaranson despues di Club Don Bosco a bay duna vacuna na e personal di hospital. Diahuebs ta sigui cu e vacunacion na personal di Hospital, ImSan y Departamento di Salud Pubico (DVG). Diabierna lo continua na Hospital y ImSan un biaha mas.
Pa diasabra e intencion ta pa suministra e vacuna na tur e dokternan di cas na Santa Teresita Center na San Nicolas. Diadomingo lo tin e intencion di bay vacuna e resto di e trahadonan den cuido, asina Minister Oduber a declara.
Dialuna dia 22 di februari segun e plan di ehecucion lo habri dos localidad pa vacuna e grupo di 60+. Lo habri Centro Libertador Betico Croes na Santa Cruz y tambe Santa Teresita na San Nicolas. Entrante 1 maart 2021 tur cuater localidad lo ta habri y den e dianan cu ta sigui lo sigui mantene communidad informa.
Lo uza e siguiente localidadnan pa suministra e vacuna:
Club Don Bosco na Noord
JFK Education Center na Oranjestad
Centro Libertador Betico Croes na Santa Cruz
Santa Teresita Center na San Nicolas
Personahe- y enfermeranan cu a ricibi e vacuna riba e prome dia ta:
1. Dr. Kelvin Cayama – risk group
2. Ruben Garcia – 60 +
3. Jacky Wernet – risk group
4. Jossy Lacle – 60 +
5. Siomara Everon – risk group
6. Dr. Joaquin van Trigt – GP
7. Dr. Dhyani Giel –
8. Ronchi de Cuba – risk group
9. Pastor Toti – 60 +
10. Olindo Koolman – 60 + former Governor
11. Emira Rodriguez-Tromp (Miss Antje)-60 +
12. Jourraine Halabi-Figaroa – Nursing HOH
E vacuna ta di vital importancia pa cada un di nos cu ta biba riba e pais aki, e lo:
1. Proteha nos mesun salud
2. Lo scapa bida di hende
3. Lo crea imunidad
4. Lo percura pa recupera nos turismo y cuminsa bolbe bek poco na normalidad
Minister Oduber ta haci un yamada na pueblo di Aruba pa registra pa vacuna riba e Aruba Health App of na e cuater MFA nan na Aruba. Minister a menciona cu ya caba 11 mil hende a registra pa ricibi e vacuna. E vacuna ta e unico manera cu tin pa combati COVID-19 pa asina sali for di e pandemia aki. Aruba, ban vacuna, ban cuida nos mes, ban proteha nos mes, ban salba bida y percura pa nos por recupera nos turismo y economia bek.
Minister Dangui Oduber a gradici Gobierno Hulandes, Gabinete Wever Croes, Ministerio di Turismo, Salubridad y Deporte, BRA, DOW, IVA, VDA, KPA, Douane y Setar. Finalmente e mandatario a gradici ful e team di DVG y specialmente e team di DBZ cu ta esun encarga pa duna e vacuna. Aruba ta conta cubo, den paz, union y harmonia nos ta bay logra vence e pandemia aki.
