Diahuebs atardi a tuma luga un encuentro publico den parlamento, un reunion yama riba iniciativa di fraccion Accion 21 y MAS. A pidi e reunion riba 15 di juni ultimo, den un tempo relativamente corto, presidente di parlamento mr. Edgard Vrolijk a honra e peticion y a yama e reunion. Miguel Mansur ta lider di fraccion Accion 21, el a conta cu e reunion tabata uno sumamente interesante. A haya un real riba e situacion economico actual.
Tin basta cifra cu a bin dilanti durante e reunion. Locual mas a resalta ta cu; 27% di e pueblo no por cubri nan gasto y nan placa no ta yega. Como 50% di e pueblo no por cumpli cu nan gasto diario. Tin un bista cla y casi ta birando un echo cu Aruba no ta creando insentiva pa inversion. No tin espacio pa mas medida contra e pueblo, e comunidad ta sufriendo hopi. For di un bista no politico a scucha e gremionan comercial. Locual por a conclui ta cu Aruba ta birando no solamente impagel pa e pueblo sino pa e comerciantenan tambe.
