Servicio Meteorologico di Aruba a informa awe 2:30pm cu nan ta pronostica cu tempo lo keda cera, cu hopi nubia, cu chens pa awasero breve. E situacion lo keda mescos den marduga y pa mañan mainta tambe. Separa di e tempo cera, ta haci calor tambe, cu temperatura maximo di 33 grado Celsius y minimo di 27 grado Celsius, aunke cu e indice di calor (Heat index) ta rond di 24 pa 35 grado Celsius den ora di merdia. Meteo ta sugeri pa tuma e precaucion necesario pasobra lo sigui haci calor mañan ainda.
Biento lo ta suak te modera for di direccion oost-noordoost y oost-zuidoost cu forsa 2 te 4 (7 te 30 km/ora, 4 te 16 nudo). Temporalmente biento por ta for di direccion varia cu forsa 1 ( 1 te 6 km/ora, 1 te 3 nudo).
Situacion general di tempo pa proximo 24 ora:
Tin basta humedad y instabilidad den atmosfera regional y cu por combina cu e calentamento di dia, lo por produci algun awasero local breve durante e proximo 24 oranan. Tambe tin chens pa e mal tempo bay combina cu strena y lamper. Meteo ta pronostica cu e awasero por
ta fuerte y lo por causa molester.
Aviso / alerta:
Servicio Meteorologico a sugeri operadornan di boto pa no aventura den vecindario di areanan di awasero, pasobra e por bin compaña pa strena cu lamper, ya cu lama por bira basta bruto.
Tempo tropical significante:
Tropical storm Philippe ta situa na 410 km noord- noordwest di St. Thomas y ta move noord-noordwest cu 15 km/ora. E bientonan
maximo ta di 75 km/ora. Potencial di awasero pa proximo 24 ora lo ta entre 3 te 10 mm.
