Ultimo biaha cu tabatin evento di MetaFit tabata na 2019. Pero pa motibonan di pandemia y e medidanan no por a organis’e. MetaFit ta un evento di MetaCorp, cu a bira uno grandi.
Zuzette Croes, comision MetaFit, a indica cu nan ta bek den ful trot. Nan ta contento di ta bek, pasobra MetaFit ta un evento cu a cuminsa in house cu zes kamp. Despues el a evoluciona den algo mas grandi, cu ta un caminata pa e coleganan pero tambe pa pueblo di Aruba.
E evento grandi di MetaFit ta dia 2 di juli proximo, pero nan tin training cu ya a cuminsa caba. E coleganan ta bini hunto, tambe e fanaticonan di canamento y coremento ta bini dos bes pa siman p’asina cana cinco, seis of diescuater kilometer. Ta depende, pasobra nan tin diferente ruta como kilometrahe.
Croes a sigui splica cu e evento ta dia 2 di juli y tin e distancianan di cinco, dies y diescinco kilometer. Tambe nan ta bay tin distancia di 400 kilometer pa mucha, e grupo di mucha cu ta importante den e evento aki. E evento di cinco kilometer ta di diesshete aña bay ariba. Costo pa participa ta 25 florin, di cual por pag’e online of dia prome di juli.
Pa mas lesa TREMPAN.COM.
