Manera ta un tradicion di decadanan caba, e compania mas bieu di Aruba, cu mas di 100 aña continuo di existencia ta celebra carnaval tur aña ch su empleadonan. E biaha aki a opta pa organisa nan “jump in” na Drive In. Tur e entidadnan di MetaCorp a celebra hunto.
Artaiza Fräser, gerente di Gloria Movies, a conta cu esaki tabata un jump in cu Buleria y Level Up Brassband rib’e tereno di Drive In. Tabatin por lo menos 600 empleado cu a join e fiesta.
E empleadonan tabatin T-shirt bisti y cu nan creatividad por a bling nan, haci esaki “come to life” haciendo nan mas carnavalesco posibel cu payet, stenchi, pluma, material recicla. Na final a saca cinco finalista y tur cinco a haya un premio.
Por ultimo Fräser a gradici Buleria, Level Up, Balashi, Tropical, cu por a provee e bebida, Gloria p’e cuminda y Drive In p’e venue. Ta spera cu tur aña por haci un jump-in cu tur e empleadonan. Esaki tabata esun prome despues di pandemia y a resulta un exito rotundo.
Fräser a expresa na final di ta spera cu tur hende pasa dushi durante Carnaval 69.
