Papiando tocante e situacion financiero di Dr. Horacio Oduber Hospital, presidente di sindicato A.V.B. (Arubaanse Bond van Werknemers in Verplegende Instellingen), Gina Maduro a toca e punto di responsabilidad pa e gastonan relaciona cu e cuido medico cu ta brinda na pashentnan cu status ilegal.
E lider sindical ta kere cu a yega ora pa gobierno di Aruba sea, crea un fondo pa cubri e gastonan aki of duna e personanan un status legal pa asina nan tambe contribui na e fondonan di AZV y AOV.
Maduro a splica cu hospital ta sigui draai a pesar di desaroyonan contraproducente pa su finanzas, manera ta e recorte di 11 miyon. Otro punto ta e post di tratamento na persona cu status ilegal na cual no por nenga servicio, pero ningun hende ta para responsabel pa e gasto aki.
“Hospital ta duna servicio, pero e placa no ta drenta bek hospital. Of a yega tempo pa hospital mester categorisa: Acuut ta compronde, pero zorg mas largo y caro manera oncologie, bo tin cu bay puntra bo mes si hospital ta den condicion pa cubri un tratamento asina”, asina e presidente di sindicato di enfermeronan a expresa.
Pa e relato completo, lesa edicion di TREMPAN
