Den e continuacion di e reunionnan pa loke ta trata formacion di e proximo gobierno, diabierna formado a reuni cu algun stakeholders pa asina atende cu cierto topico y punto di importancia.
Asina Milton Ponson di Rainbow Warriors Core Foundation a conta cu e reunion cu formado a bay den un forma hopi ameno. Mas di un luna pasa el a tuma contacto cu formado pa asina pidie pa atende cu algun tema di urgencia pa Aruba, uzando e ‘framework’ di e Nacionnan Uni.
A toca den extenso e temanan ambiental, algun tema economico, incluyendo diversificacion y por ultimo a toca e tema di problema social. Pa e ultimo aki, a sugeri pa atende e problemanan cu ta aparece den sociaal-crisis plan cu tecnologia nobo.
Pa loke ta trata e topico di medio ambiente, a toca e tema di e necesidad pa introduci ley local pa duna contenido na tratado. Tambe a bisa cu mester percura pa den cierto departamento di gobierno tin persona capacita cu ‘background’ adecua pa asina den futuro por tin acceso na fondo di Nacionnan Uni pa por trata tema complica manera cambio climatico y desaroyo sostenibel.
Pa cobertura mas amplio lesa edicion di TREMPAN mañan.
