Diahuebs mainta na parlamento tabata tin un reunion publico pa trata e temanan rond e debe y refinanciamento cu Hulanda, unda varios punto a keda treci dilanti riba e negociacion entre Aruba cu Hulanda, unda cu oposicion ta describi con minister-president Evelyn Wever-Croes mes a causa henter e problemanan cu tin rond di esaki entre Aruba cu Hulanda.
“Ta nan mes a obliga Hulanda bin cu LAft pa pone Aruba bao supervision financiero. Dus awo bo mes ta cosecha locual cu bo a sembra.” Parlamentario drs. Mervin Wyatt-Ras, miembro di fraccion AVP ta splica cu durante reunion cu minister-president, ta lamenta cu cada biaha e mester bira un situacion unda ta tira palabra na tur hende, ora bo ta haci pregunta, semper mester bin un ofensa.
“Semper e tin cu bisa, ja cu como hende muhe, etc. purbando di baha loke cu bo ta bisa siendo cu e ta esun cu a bay firma e Landspakket na 2020, e no a consulta cu pueblo.” Awor atrobe minister-president a manda Xiomara Maduro bay firma locual cu Hulanda a bin cu e areglo akinan. Awor Aruba mester carga e consecuencianan, siendo cu el a verwerk e den e presupuesto caba, anto a sali afo cu ta bay tin un percentahe di 3.5% caba pa loke ta trata e interes.
“E no tabata tin e base legal pasobra e presupuesto no a ni wordo pasa.” Segun Wyatt-Ras, Akinan minister-president ta bin ta gaña y bisa cu parlamento ta esun cu ta contra RAft.
Lesa mas den TREMPAN.
