AVP tin preocupacion pa loke ta trata di Landspakket, loke tabata e tema durante e encuentro publico den Parlamento.
Parlamentario Mervin Wyatt-Ras di e partido berde a comenta cu e minister presidente a bin parlamento cu diferente profesional, pero tambe hefe di departamento. Aki el a sali bay laga nan un rato ya cu e no a keda full den e reunion. E parlamentario a vocifera e echo cu e Landspakket aki tin un caracter obligatorio.
Prome minister a firma cu Hulanda na juni 2020 e landspakketnan aki sin consulta cu pueblo y awo ta haya un serie di medida, ya cu tur e landspakketnan ta encera medida, cu tin cu cumpli cu ne.
E parlamentario a haci pregunta pa loke ta trata e presupuesto anual cu tempo cu AVP tabata den gobernacion, si tabata pasa esaki. Desde 2019 no a trata, ni di e aña ey of pasa den parlamento te cu awo. Ta pregunta cu e parlamentario a haci. Segun e ta splica cu aparentemente tin algun problema tecnico y cu lo bin parlamento.
Tambe e parlamentario a haci pregunta riba enseñansa, cual ta hopi importante cu diferente cambio ta bin, pero cu e cambionan aki ta tuma hopi tempo.
Tambe a haci pregunta riba e asunto di ‘voorschoolse onderwijs’. Door cu e ley di Kindercentra tabata cay bao di enseñansa y a pone bao di Asunto Social. Tin varios otro punto cu a mishi, cual un di nan ta dropout. Ta papia di dato, pero dado momento mester di esakinan pa traha tambe, pa por haci e trabao.
Pa loke ta trata impuesto, lo bin un consenso rijkswet cu ta trata belastingsregeling. Esey gobierno no ta bisa. Djis aki lo bay confronta cu un impuesto caminda cu tin cu pasa un rijkswet atrobe y lo dal Aruba duro pasobra no tin control riba e rijkswetnan aki.
Banda di esey tin e rijkswet riba cierto intercambio di dato cu tambe lo bay bin den un rijkswet. Tur esaki gobierno no ta duna suficiente informacion kico ta encera. Segun Wyatt-Ras, tin derecho di sa kico tin di come y bebe di esaki.
