E mercado di Pasco na Nuremberg, esun mas tradicional di Alemania, a cancela su edicion di e aña aki door di e pandemia y e restriccionnan pa por contene e virus. Autoridadnan di e ciudad a comunica cu e decision aki tabata uno hopi dificil.
Nuremberg cu mas di 400 aña di historia, ta esun mas bieu di e pais y ta cuminsa cu un discurso di un “Niño Jesus” den e prome fin di siman di advent.
Den e ultimo dos siman e cantidad di contagio a subi na Alemania y te awo e pandemia tabatin menos efecto cu otro paisnan Europeo.
Diaranson e canciyer Aleman, Angela Merkel, lo reuni cu e regionnan pa papia riba medidanan nobo. “Ta warda nos lunanan hopi, hopi dificil,” Merkel a sigura durante conferencia cu miembronan di parlamentario conservado. E lider Aleman a adverti cu asina no por sigui y ta pronostica te februari tin di renuncia eventonan grandi.
