Awe diadomingo pa 3:03 pm a spacha un patruya di polis pa Lago Heights Food Center. Ey a topa cu un homber di no menos di 71 un aña di edad cu tabata burachi y fastioso. Polis no tabatin mester di mucho splicacion di con fastioso e ta, pasobra asina cu el a mira presencia di autoridad, el a bira agresivo y tabata cla pa bringa cu e defensornan di ley.
No a keda mucho sino di deten’e na e sitio mes y a pidi pa un transporte special bin busc’e pa hib’e ward’i polis. A detene bou sospecho di “Openbare dronkenschap”.
Pero asina mes polis no tabatin’e facil debi cu wardando pa un vehiculo di transporte, nan a haya un yobida di palabra di insulto y humiyacion for di e homber burachi. Testigonan a bisa cu asina e ta bira ora e ta burachi, pa cual a hib’e cera pa e pasa su wayaba sin molestia e bario y na su cas.
