Dialuna anochi alrededor di 9:40 pm, polis a presenta cu urgencia den Korvetstraat p’un caso di menasa. Na yegada, testigo a conta cu ya e partidonan envolvi a bandona sitio.
Ta trata di dos homber cu tabata discuti formal cu otro. E discusion a bay asina leu cu un di nan a pasa man p’un machete cu intencion desconoci. Ta tur motibo pa testigo yama polis y informa nan di e situacion.
Polis a busca den e area pero no a topa cu e tiponan cu kier a bringa cu otro. Por lo menos tres pa cuater patruya di polis a presenta cu refuerso tambe di e unidad di K9 pero na final, sin resultado.
