Diferente unidad a presenta pa asina atende mesroa cu situacion di menasa despues di evento di reina.
Esaki a tuma luga diadomingo anochi pafo di Cas di Cultura pero despues di e evento, algun hende no tabata conforme cu e resultado y aki ta caminda a cumisa un bululu formal.
Den careda di 10:45 pm den e area di parkeo den Stadionweg, algun hende no a keda contento cu e resultado y a cuminsa un tiramento di palabra formal cu despues a escala y bira menasa serio cu mencion di arma di candela.
Polis a mobilisa di biaha y a bin topa cu e vehiculo cu a describi cu lo tabata envolvi den dicho menasa. A baha tur hende for di e vehiculo y cuminsa un listramento riguroso. No a bin topa cu ningun arma di candela den nan poder.
Asina mes polis a tuma tur dato di tur hende den e vehiculo pa despues laga nan sigui nan destinacion.
