No ta un secreto cu e crisis a causa cu casi tur restaurant of localidadnan di bende cuminda na Playa a cera nan porta. No tin benta suficiente pa asina tene nan porta habri. Caya grandi ta cera practicamente. Hendenan ademas no ta Sali caya pa cumpra loke no ta prome necesidad.
Esey nifica cu e yudansa pa e adictonan tambe a bira menos. Mas hende den stad, nifica cu e adictonan riba caya por haya algo los pa sea cumpra nan coy come of yega na nan placa pa cumpra e droga. Awor aki e cos ta asina malo cu hasta den e adictonan tin un crisis.
Polis a bay na “Tasty The Food Place” pasobra e persona encarga cu e edificio a bin haya e localidad kibra. A mira cu tur cos a wordo reboltea y claramente por a mira cu tabata buscando cuminda. Ademas di cuminda a logra bay cu speaker y flatscreen cu tabata den e lugar.
Polis tin atencion pa e caso. Mientras cu e situacion sigui asina e adictonan of otronan den necesidad lo keda busca manera pa yega na nan cosnan sea den forma corecto of un crimen. Net esey nos no ta desea.
