MAS a forma parti di e carta cu a manda pa Gabinete Wever-Croes II y pa Hulanda splicando, no solamente e mal maneho, pero tambe e procedura con presupuesto 2023 a cana. Esta cu e ta carece di un conseho di CAFT y di Raad van Advies, cu ta un normativa, pero cu den e caso aki ta ainda mas necesario mirando e cambio substancial cu gobierno a trece pa bay for di BTW pa un aumento di BBO, efectivo na januari 2023. Tur esey no ta refleha den e presupuesto actual.
Lider di fraccion di MAS, parlamentario drs. Marisol Lopez-Tromp a duna di conoce cu gobierno no a trece un nota di cambio. Y a pesar cu diferente gremio y grupo den comunidad a vocifera nan preocupacion pa tur problema cu esaki por trece, no a haya ningun splicacion formal di parti di e minister di finansas.
Pa e motibo ey MAS a pidi un reunion publico cu minister Xiomara Maduro pa e splica e decision abrupto pa aumenta BBO y asina haya un chens di haci pregunta den nomber di pueblo, pa haya contesta. Sinembargo, segun Lopez-Tromp, ta wak cu cada bes ta haci rueda di prensa den Cocolishi cu algun miembro di prensa selecta, pa cual pueblo no ta haya contesta directo riba su preocupacionnan. Esaki ta habri caminda pa debate tuma luga riba media social y no unda cu mester ta, esta den sala di parlamento, caminda e minister ta responsabel pa su maneho y decision.
Pa e relato completo, lesa edicion di TREMPAN
