Diadomingo mainta pa 11:00 am Stichting Maneho di Aruba su Carnaval (SMAC) hunto cu Cuerpo Policial Aruba (KPA) a inicia cu e parada grandi di carnaval na Oranjestad. Tabatin seis grupo y mas o menos 2200 participante. A conta cu 225 personal di KPA riba pia.
Atardi pa 5:10 pm e cabes di e parada a yega ex-DOW y pa 6:55 pm e parada a yega su final, como un ora mas trempan cu e parada di San Nicolas di diasabra!
Pa 8:15 pm a kima e momo den Harbour Arena, pa finalisa e temporada di carnaval 69.
E aña aki tabatin 22 detencion y suma cobra na multa ta un total di Afl 7135,=. Na aña 2020 tabatin 27 detencion, pues e aña aki tabatin cinco menos.
Cuerpo Policial ta satisfecho cu e resultado y e comportacion di esunnan cu a bay disfruta di carnaval 69.
