Den harmonia cu Dia Internacional di Salud , diasabra 7 di april, Ministerio di Salud di Iglesia Adventista na Aruba a reuni mas di 180 persona, cu a participa den un Expo di Salud.
Meta di e expo tabata pa crea conscientisacion riba e importancia di un estilo di bida cu ta cuida pa nos salud. Mirugia Leocadia-Zink, directora di e Ministerio di Salud di Iglesia Adventista na Aruba y organizador principal di e evento, a inicia pa 6:00am dilanti Joe Laveist Sport Park cu palabranan di introduccion, sigui pa un oracion di proteccion pa nos Presidente, Pastor Calix Ashby. Di mucha pa adulto mayor, tur a cana cu yen di energia y animo un total di 5 kilometer.
E impresionnan tabata varia di hopi emocion , deseo pa ripiticion y satisfecho di por a bolbe cana y asina ehercita e curpa y e salud. E mainta a termina cu un Expo di Salud cual a haci chekeo di signonan vital di Salud y alabes provee conseho con pa biba un bida mas saludabel.
E iniciativa aki tabata habri no solamente pa miembronan di Iglesia Adventista pero tambe a conta cu participacion di algun persona di nos comunidad. E meta ta pa sigui cu e iniciativa aki y den e proximo lunanan, organisa e di dos pabou di brug.
