Alrededor di 4:50 pm a sosode un boksmento di auto n’e crusada di Palm Beach. Ta e di tantisimo biaha cu ta sosode un desgracia di auto na e mesun sitio. E biaha aki ta trata di un Kia Rio numera A-73145 y un Hyundai Accent V-3078.
E Rio tabata riba su caminda preferencia, pues riba Sasakiweg y e Accent a sali su dilanti for di e strip cu ta bin for di Palm Beach. Daño material tabata basta, e Rio su front a keda completamente destrui mientras e Accent su band’i porta banda drechi a keda cu un deuk basta grandi.
Polis di trafico a presenta pa documenta e accidente. Ambulance tambe a presenta pa atende cu e chauffeur di e Picanto, cu tabata keha di hopi dolor na pecho.