Diabierna anochi diferente persona a bati alarma p’un candela basta grandi na Keito. Keito #26-G ta un di e casnan cu tabata na peliger door di e candela grandi ‘ki. Varios unidad di polis a presenta cu urgencia pa cuminsa analisa e situacion. A pidi mesora pa brandweer bin cu urgencia mirando cu e candela tabata menasa algun cas den e area.
Un rato despues e prome unidad di brandweer a presenta y a cuminsa combati e candela. E candela tabata asina grandi cu tabata necesario pa mas unidad di brandweer presenta pa yuda combati e candela.
E candela tabata asina grandi cu hasta awa di un truck a caba, pa cual mester a refill pa djey sigui combati e candela.
Polis a cera un parti di Sasakiweg debi cu e visibilidad a bira hopi dificil, pa cual a desvia trafico pa bay otro ruta, Despues di mas o menos dos ora a logra combati e candela aki completo.
