Un biaha mas por nota cu e cantidad di testnan haci a aumenta. E ta un indicacion cu semper den fin di siman e cantidad di testnan ta baha.
Por ehempel resumen di dialuna ta mustra cu a haci apenas un poco mas cu 400 test riba diadomingo, mientras cu awe e resumen ta mustra cu e cantidad di testnan haci riba dialuna ta casi dobel di esnan di diadomingo.
Segun resumen di awe 55 persona a recupera, a registra un total di 42 caso nobo di Covid-19, di cual 3 ta no residente.
Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 714 test. E ‘Postivity rate’ entre nos residentenan ta 15%.
Activo tin awo 321 caso, cantidad di fayecido relaciona cu Covid-19 ta 59.
Hospital ta informa cu tin un total di 20 persona interna di cual 9 ta den Cuido Intensivo y 11 riba unidad general di COVID. Edad promedio di esnan interna pa extra cuido ta 64 aña.
