Mary Joan Foundation lo bay tin su Pink Hike dia 29 di october proximo cu un toke diferente, unda cu e tema pa e aña aki lo ta “Descubri naturalesa y descubri bo mes.” Di e manera ta duna sosten na loke ta Salud Mental.
Segun Nen Flores, relacionista publico di Mary Joan Foundation, e caminata lo bay cuminsa pa 6:30 am. Lo bay mira solo sali hunto, unda cu ta invita comunidad completo pa tey ya caba for di 6:00 am, p’asina por prepara, stretch y asina hunto cana den naturalesa y descubri nos mes.
Ticket ta na balor di 15 florin. E prome shen personanan cu inscribi p’e caminata, lo haya un goodie bag dank na Martijn Trading di e productonan Libresse y Aruba Aloe, E caminata lo sali for di Bushiribana. E aña aki no lo tin T-shirt. Ta curasha nan T-shirt y bin cu colo bright y bin cu luz.
Ta haci unyamada na henter comunidad. Si bo ta forma un grupo di 10 hende of mas, tuma contacto cu Mary Joan Foundation na 5940919 y asina ey, si bo cumpra mas cu 10 ticket, ta entrega esaki completamente gratis.
Pa mas detaye lesa TREMPAN.