E situacion pa loke ta trata produccion di awa di bebe, a conoce recientemente un bidding process pa un planta nobo cu a resulta, despues di evaluacion, den un escogo di un compania cu lo bay entrega e planta aki na WEB. Segun director di e compania, Alfredo Koolman, durante un conferencia di prensa diaranson, a comenta cu e siman aki ta bishitando varios planta di e compania scogi pa colecta informacion operacional y experiencia di e usuarionan n’e diferente localidadnan p’asina confirma e escogo y sigui cu e negociacionnan. Tin planea pa firma un contract na november. Unabes construccion cuminsa, ta dura 18 luna pa tin e planta nobo operacional. Esey t’e di tres kwartaal di 2025. E capacidad di e planta nobo ta alrededor di 16 meter cubico pa dia. E expansion di e capacidad aki di awa di bebe, ta suficiente p’e siguiente decada. TANKI NOBO NA ALTO VISTAAlabes ta construyendo un tanki nobo na Alto Vista, cu un capacidad di alrededor di 18 mil meter cubico, pa reemplasa e tanki bieu di 12 mil meter cubico. E construccion lo dura te cu augustus 2024. E demanda den e districto mas pobla di Aruba, esta Noord, ta sigui crece y ta motibo pa expande e capacidad di e tanki aki.
