“No tin ningun virus straño. No tin ningun bacteria straño cu ta matando hende y COVID no ta matando hende.” Esey ta loke dokter di DVG, dr. Maritza Ordoñez a indica durante un entrevista den noticiero Enfoke diabierna ultimo.
Ta den cuadro di un avalancha di comentario cu tabatin cu tin un andansa basta pisa di griep. Hasta tin hende cu a indica cu COVID a bin bek. Asina nos por keda comenta.
COVID ta existi, esey ta un echo, pero e averahe di e personanan cu tin e virus aki ta di un pa dia of 7 pa siman, cual ta algo cu nos comunidad no mester drenta den panico. Tin un griep. Esey ta un echo. E griep aki ta pasando basta pisa.
SEMPER TIN UN VIRUS
dr. Maritza Ordoñez, a splica cu semper un hende tin virus. Pa loke ta COVID, nan a haya lo maximo 10 persona cu e virus aki. DVG a duna di conoce cu ta trata aki di un variante di XBB116, cu porcierto ta un variante cu t’ey rond mundo.
Interesante ta cu e sintomanan ta leve, pero si ta contagioso. Tur pais rond mundo ta mirando cu e casonan ta aumenta, di e mesun variante, door cu obviamente ta contagioso.
Fuera di esey Aruba no mester alarma, pasobra mayoria di e comunidad ta vacuna. Dr. Ordoñez a comenta cu tin seis virus cu ta rondando na Aruba, pero tambe rond mundo.
Virus ta circula. Por sigui menciona cu e virusnan ta presente. Tin Influenza, Rhinovirus, virus respiratorio, metanovirus. Tin un cantidad di virus cu mayoria di e sintomanan, pa no bisa cu ta mesun cos, ta representa pa dolor di cabes, dolor di garganta, keintura, curpa kibra, diarea, sacamento.
Tin un cantidad di sintoma y cada virus di loke tin na Aruba, ta conoci. Simplemente t’e epoca cu nan ta circula.
Aworaki ta keda pendiente Influenza, pa mira e comportacion cada aña y si por vari’e cu vacuna.
Ta drentando un pa dos mucha mas chikito, menor di cinco aña den hospital, pasobra rhinovirus ta un virus cu ta vulnerabel pa cierto grupo.
E grupo vulnerabel ta hende grandi, mayor di 60 aña, cu porcierto tin algun malesa acerca, cual no ta desconoci pa comunidad.
Nos tin un grupo den comunidad cu ta basta vulnerabel, entre nan mucha chikito.
Pa mas detaye lesa TREMPAN.
